BEZOEKERS SCHRIJVEN!

Link naar "Bezoekers schrijven" van eerder!

2009 03 09 01  Peter Coenen, Roggel.  Afscheidsbrief voor Gieël van medewerker Peter.

“t Waas väörjaor 1971 wie Gieël mich vroog of ich wool kome oetvare (op vandaag neumtj men det bezorge) Ich waas nog bezig mit ut riebewies, dus mer gauw det raos pèpeerke gehaoldj.

Vanaaf half augustus ging ich toe oppe zaoterdigmuerige mit ut fietske al “Gaer nao Naer”. Gieël haaj altied gooi zin en ein dink kòs der neet, kwaod wäöre, nog neet al kwaam ich mit ein riesteflaai truuk, die bie eine klantj ut üngerste baove oppe ruester haaj gelaege, en de sjlaagroum oppe däörmat waas achtergeblaeve. Zelf neet wie de Kappert te sjmaal waas om mit Gieël ziene wage te probere òm naeve de milkwage van Jan Hanze te kome, en ich mit de klink aan die mèlkker blaef hange.

De 20 jaor det ich väör hem en Trui höb moge wirke waas eine sjaone tied.

Dit sjrief ich òngetösse det ich aan ’t oetvare bun, allewiel väör Ton en Gertie; det os bie –ein al zoa lang det väöl Naerse miens meine det ich der auch eine van Gieël en Trui bun.

“mooder”, Gieël waas eine hieële biezunjere miens, gae, kinjer, sjoankinjer, kleinkinjer en achterkleinkindj, Hieël väöl sjterkdje gewinsj door Peter.

Gieël……..bedanktj.