BEZOEKERS SCHRIJVEN.

Link naar "Bezoekers schrijven" van eerder!

Mail: Piet van Toon Tel. 0475-591317.

Terug

Wat is er allemaal te doen in NEER? Wilt U dat weten, klik op deze link: "Agenda Neer"

Deze link is er om het: NIEUWS van NU en van EERDER! te zien.


2012 01 31 01. Nummer 1098.
Erik Seuren, Neer.
Rianne Seuren kijkt terug op een mooi TienerVastelaovesConcours!

 

Erik schreef bij deze foto's: 

Rianne kiektj trök op ein geweldjig Tiener Vastelaovend Konkoer

MIENSE: HARTSJTIKKE BEDANKTJ!!


´T waas ein groeat fiëst in Venray tiejes de finale van ´t Tiener Vastelaovend Konkoer.

Helaas gein prieze mèt trök genaome mer Rianne is super tevraeje äöver häör optraeje en ein hieële ervaring rieëker.

Same mèt ein hieël bös vol Naerse supporters waerdje aafgereisj nao de Evenementenhal in Venray.

’t Waas al fieëst óngerwaeges daohaer en det fieëst waerdje allein mer groeater. 
Rianne zooj as 12e optraeje en väör det ’t zoeawieëd waas zoot de stumming d’r al good in.

Onger aanveuring van Vorst Kwiebus de 61e waerdje al snel duudelik woea de Naerse delegatie waas neergesjtraeke in de groeate Evenementenhal.

De mieër den 60 supporters oeët Naer mooke d’r saame mèt Rianne ein groeat fieëst van.

Eederein haaj ’n bördje gekraege mèt ein foto van Rianne en dao waerdje oeëtbundig mèt gezwejdj.

Tiejes ’t optraeje van Rianne stónge alle supporters väör aan de bühne óm häör aan te moedige. Dao waerdje hel mètgezónge en de zaal deindje op en neer op ’t ritme van ‘Vastelaovendj koom mich haole’.

Vorst Kwiebus de 61e en zien gevolg waas natuurlik auch väöraan te vinje en taorendje wie ’t zich huerdj al zwejjendj en zingendj baove ’t publiek oeët. ’t Waas ein prachtig gezicht mèt al die bördjes inne lócht en de Kwiebusvlag dae zoea gruets ómhoeag staok.

Nao de lètste toeane van ‘Vastelaovendj koom mich haole’ waerdje Rianne getrakteerdj op aanhaojendj gejuich van ónger angere de Naerse aanhang.

’t Fieëst góng verder en gewachtj waerdje oppe oeëtsjlaag. Ein spannendj moment mer helaas kós dao geine prieës mèt nao hoeës genaome waere.

Mer aevegood góng ’t fieëst gewuen door. Oppe truukwaeg waas de bös ’t verlingdje vanne fieëstzaal, ’t daak góng draaf en toet 10 kieër klónk ‘Vastelaovendj koom mich haole’, door eederein mètgezónge.

Rianne bedanktj EEDEREIN dae op welke meneer auch ein biedrage haet geleverdj óm alles mäögelik te make. Van de leedjesaovendj toet en mèt de finale van ‘t  TVK.

De tekstsjriever van ’t leedje en begeleider vanaf ’t ieërste oor Bas Keltjens, de bedinkers van de mezieëk Anky en Mella Klaessen, Vastelaoversvereniging De Kwiebusse äör de geweldjige sjteun en samewèrking, Vorst Kwiebus de 61e Ruud Mingers en zien gevolg, de Naerse artieste väör de geweldjige begeleijing, femilie en vrunj, eederein dae haet gestumdj op internet, de supporters biej de finale en alles en eederein dae Rianne al dae tieëd zoea fantastisch haet gesteundj!

Rianne:  “ TVK waas geweldjig!  Neet in de prieze gevalle mer ‘t waas GAAF! En het góng super good.  Bedanktj eedereen dae mich haet gesteundj, die höbbe gestumdj en auch zeker diegene die mèt zeen gewaestj, SUPER!”

Aanstaondje maondjig  óm 16.00 uur zal d’ r op TV Limburg ein reportage waere oeëtgezónje van de finale van ‘t TVK.

XXXXXXXXXXXXXXXXXXXXXXXXXXXXXXXXXX